Ќе се одземаат свињите кои се одгледуваат кај регионалната депонија Шапкaр во струмичко

199

Следната недела ќе почне постапката за одземање на свињите што се одгледуваат кај регионалната депонија Шапкар кај Добрашинци општина Василево . За таа цел одгледувачите ќе добијат соодветен надоместок од Агенцијата за храна и ветеринарство. Одледувачите имаа состанок со градоначалникот на Василево Марјан Јанев но и инспекторот при Агенцијата за храна и ветеринарство Сашо Беџовски за имплементација на препораките на Владата за спречување на болеста ,,африканска чума’’ која се појави во соседна Бугарија


„Ова е втор состанок во ваков состав оваа недела и сметам дека сите треба да сме задоволни бидејќи успеавме да постигнеме Договор а со тоа да ги испочитуваме и препораките од Владата на РСМакедонија во врска со појавата на болеста Африканска свинска чума во соседна Бугарија“, изјави Марјан Јанев, градоначалник на општина Василево на чија територија се наоѓа регионалната депонија Шапкар во чија близина граѓаните на Добрашинци одгледуваат свињи.

При последниот пожар на депонијата градоачалникот најави и отстранување на сите одгледувалишта на свињи на ова депонија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.