Ќе се гради спортско игралиште во кругот на Домот на АРМ во Струмица – општината го објави тендерот

1475

Општина Струмица го објави тендерот за изградба на отворено спортско игралиште во кругот на Домот на АРМ во Струмица. Истото би требало да се постави на локацијата на сегашниот картинг каде треба да се изведе и улица која ќе го поврзува Домот со улица ,,11 Октомври’’ а се планира и да има паркинг простор. Огласот за јавната набавка ќе трае до 3 септември при што ќе се знае која фирма ќе го гради ова игралиште со улица и паркинг. Инаку за реализација на овој преокт општината проектирала да потроши околу 7,7 милиони денари но при постапката на јавното аукција за добивање на овој  тендер се очекува да падне цената.

Според проекциите ќе станува збор за мултифункционално спортско игралиште каде може да се игра мал фудбал, ракомет и баскет. Веднаш до игралиштето ќе има и паркинг со капацитет од 16 возила но и улица која ќе ја поврзува улицата 11 октомври со дворот на Домот на АРМ.

Според објавената тендерска документација по изборот на економскиот оператор за изведба на играличтетот со улица и паркин работите да се реализираат во рок од 90 дена од воведување на изведувачот во работа. Со реализацијата на овој проект се очекува да се затвори за сообраќај улицата Вано Китанов до градскиот парк

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.