Ќе се гради Пречистителна станица во Едрениково општина Василево, УНДП го распиша тендерот

286

УНДП го објави тендерот за Изградба на пречистителна станица во с. Едрениково, општина Василево која ќе се гради во рамките на проектот „Управување со сливот на реката Струмица“ преку кој во истото населено место во тек е изградба на систем за фекална канализација. Во ова населено место веќе интензивно се поставува секундарна канализациона мрежа за отпадни води која ќе придонесе за поголема заштита на животната средина

Првиот човек на општина Василево Марјан Јанев кога почнаа изведбените работи на поставување на канлизациониот ситем најави дека Пречистителната станица во Едрниково ќе чини 15 милиони денари

„Сакам да ги информирам граѓаните на населеното место Едрениково дека се обезбедени и дополнителни средства во висина од 15 000 000 денари за изградба на пречистителна станица за пречистување на  фекалните отпадни води која треба да се реализира во текот на оваа година. Наша цел е да овозможиме зачувување на здравата животна средина од една страна и да ги подобриме условите за живот во ова населено место од друга страна’’, кажа градоначалникот Јанев

Крајниот рок за доставување на понудите за изградба на Пречистителна станица во Едрениково е 21-ви март, 2019 година до 10,00 часот. Заинтересираните понудувачи се покануваат на пред понудувачка конференција која ќе се одржи на 11-ти март 2019 година во 10,00 часот во просториите на УНДП во Скопје.

Заинтересираните понудувачи комплетната тендерска документација со сите информации и податоци околу постапката може да ја најдат на следниот линк:

http://procurement-notices.undp.org/view_notice.cfm?notice_id=53725

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.