Министерството за правда деновиве распиша Конкурс за именување на нотари за повеќе нотарски седишта во земјава. Според објавениот конкурс ќе бидат именувани 16 нотари во повеќе градови во земјава, меѓу кои и еден во Струмица, односно едно нотарско место со службено седиште на подрачјето на Основниот суд во Струмица
Како што е наведено во конкурсот, објавен на веб страната на министерството за правда, кандидатите треба да бидат дипломирани правници со положен правосуден и нотарски испит, да има најмалку три години работен стаж на правни работи по положен правосуден испит или две години работен стаж во нотарска канцеларија по положен правосуден испит но и да исполнат други услови наведени во конкурсот.
Инаку според сајтот на Нотарската комора на Македонија, во Струмица работат седум нотари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
