Љубовта кон своите женски чеда преточена во песна, струмичанецот Сашко Митев ја објави ,,Чедо најмило” (видео)

912

Фолк пејачот и инструменталист во националниот ансамбл Танец- струмичанецот Сашко Митев деновиве на социјалните мрежи го објави нов сингл посветен на љубовта кон ќерките. Станува збор за песната ,,Чедо најмило“ за која музиката текстото и аранжаманот ги напиша Мендо Ташкоски а се снимаше во MT Studio – Прилеп. Како што ни изјави Митев во песната свој белег оставиле и Влатко Терзиски на кларинет и саксафон, додека за гитарите се погрижи Марјан Јованов

,,Неизмерната љубов на сите родители кон своите женски чеда, морав на сопствен и најдобар начин да ја преточеам во мелодија со ноти и музика. Тоа е љубов која што од ден на ден расте толку многу, во толку голема мера, исто и паралелно како што растат нашите женски чеда, т.е. нашите ќерки. Соочувајќи се со моменталната ситуацијата во која се наоѓаме, создавањето на нов музички материјал е идеално и одлично време за нас музичарите, но, искрено се надеваме што побргу да заврши пандемијата па да се вратиме на нашата публика со свирење и пеење во живо,, вели Сашко Митев

Во втората половина од минатата година Митев ја објави  ,,Ергенски живот’’ зад која стои како комплетен автор. Тоа беше негова втора песна, откако на почетокот на 2020 тата излезе неговото првенче  ,,Подгорија’’. Еве како звучи новиот сингл на Сашко Митев за кој најави наскоро и снимање на видео запис

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.