ЈО со детали за вчерашната акција за уапсената група нарко дилери кои добија притвор

297

Шестмината лица кои се дел од нарко групата а беа фатени со 200 килограми маирихуана од страна на судија на претходна постапка во Основниот кривичен суд Скопје добија мерка притвор од по 30 дена. Меѓу нив е и 35 годишен струмичанец, кој според МВР бил организатор на групата. Притворот е изречен поради опасност од бегство, влијание врз сведоци и уништување докази. Ваква мерка побара и Јавното обвинителство кое денеска објави дека е донесена Наредба за спроведување на истражна постапка против шестте лица осомничени дека сториле кривичното дело „Неовластено производство и пуштање во промет наркотични дроги, психотропни супстанции и прекурсори”.

,, Осомничените, како повеќе лица неовластено заради продажба, набавиле, држеле и пренесувале наркотична дрога марихуана со вкупна тежина од 199, 444 килограми. На почетокот на овој месец првоосомничениот струмичанец (34), откако пронашол потенцијални купувачи на наркотичната дрога марихуана, договорил неовластена набавка на дрогата со второосомничениот скопјанец (45) кој дрогата ја држел на засега неутврдена локација. Тој ги ангажирал  останатите осомничени и тоа 36 годишниот битолчанец неовластено ја пренесе дрогата од  неутврдената локација до паркинг простор во с.Радобил, прилепско, а останатите осомничени – 24 годишен скопјанец, 46 годишен прилепчанец и 24 годишен кумановец со возила што тие ги управувале да го придружуваат движењето на возилото со кое се вршело пренесување на наркотичната дрога – марихуана,, соопшти Јавното обвинителство  од каде соопштуваат дека во текот на вчерашниот ден требало да се случи купопрдоажбата со НН лице од Грција на паркинг просторот во с. Радовил

,,Прво осомничениот откако со второ осомничениот ги договориле деталите на примопредавањето на дрогата и улогите на останатите осомничени се упатил кон Гевгелија. Наркотичната дрога спакувана во 40 картонски кутии била префрлена од ТМВ марка Ивеко со македонски национални регистарски ознаки во ТМВ комбе Цитроен Џампер со грчки национални регистарски ознаки, а осомничените се упатиле во различни правци. Осомничениот кој го управувал ТМВ марка Ивеко се упатил  кон Прилеп, додека останатите осомничени со три патнички моторни возила и ТМВ во кое била дрогата движејќи се во колона еден зад друг се упатиле на магистралниот пат Прилеп-Градско во правец кон Градско. Кога пристигнале на клучката за с.Раец биле запрени од страна на полициски службеници на МВР и по извршениот претрес, лишени од слобода. Во исто време во Прилеп е лишен од слобода осомничениот што го управувал ТМВ марка Ивеко, а во Гевгелија, на бензинска пумпа, бил лишен и првоосомничениот – организатор на криминалната група,, стои во информацијата на Јавното обвинителство

Во текот на вчерашниот ден по наредба на јавен обвинител и добиена наредба од Судија на претходна постапка во соработка со Комисијата за оценување на исполнетост на условите и контрола за производство на медицински канабис при Министерството за здравство, во текот на ноќта е извршена контрола и во две фабрики за производство на медицински канабис во Прилеп и во Битола.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.