Јовановски докажа ,,Ако се сака, сè се може’’ – Скопскиот маратон од 42 километри го извози за 4 часа и 6 минути

554

Зоран Јовановски од струмичко Ангелци уште еднаш потврди дека спортот не познава граници ниту бариери. Тој со инвалидска количка зеде учество на 16 тото издание на скопскиот Виз аир маратон на кој учествуваа голем број професионалци, рекреативци од земјава и странство во маратонско, полумаратонско и штафетно трчање.

Јовановски успеа делницата од 42 километри да ја помине за 4 часа и 6 минути со активно возење по целата делница притоа носејќи ја пораката дека треба да се спортува и дека Трчањето ќе ве промени што беше и мото на годинашниов маратон

,, Ова ми беше втор маратон во мојата кариера. Последните километри имав малку криза но подршката што ја добив и желбата дека можам да успеам ми беа водилка да стасам до целта. Цел маратон го извозев активно што е многу тешко. Горд сум што успеав да ја пренесам пораката и го завршам овој маратон,, ни изјави Зоран Јовановски кој зад себе има и два полумаратона во Скопје и Белград
Инаку Јовановски десетина години беше државен првак на Македонија во повеќебој, спортска дисциплина составена од фрлање ѓуле, диск и копје за лица со хендикеп.
Тој беше и меѓу најдобрите сениори во пинг-понг но секогаш жали за трките со колички, спортска дисциплина која е укината во земјава оти нема интерес кај лицата со хендикеп зашто количките за таа намена се скапи.
фото ФБ

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.