Јанев: Се асфалтираа улици на четири локации во Дукатино кои жителите ги побараа од ова место

376

Општина Василево деновиве ги асфалтираше улиците во населеното место Дукатино кои беа предвидени во рамките на Програмата за изградба на локални патишта и улици од минатата година. Како што објави градоначалникот на Василево Марјан Јанев се асфалтираа улици на четири локации и тоа кон подрачното училиште, кон повеќенаменското игралиште, кон бунарот но и кон селските гробишта. Станува збор за улици кои како предлог ги дале самите жители од ова населено место.

,, Станува збор за мали улици со вкупна должина од околу 350 метри. Тоа беа улици кои самите жители ги детектираа како потребни. Летово очекуваме да отпочне реализацијата на програмата за изградба на локални патишта и улици за ова година. Во рамките на годинашнава програма планираме да ја заокружиме целата улица кај повеќенаменското игралиште. Во годинашнава програма предвидени се асфалтирања на улици во повеќе населени места, бидејки се обидуваме подеднакво да одговориме на барањата на сите граѓани од општина Василево,, ни изјави градоначалникот на Василево Марјан Јанев

Улиците ги изведе градежната компанија ,,Пешо инженеринг’’ кој во рамките на  ланската Програма за изградба на локални патишта и улици треба да се реализираат вкупно 21 улица по сите населени места во општина Василево а за што достави најниска понуда на распишаната јавна набавка.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.