Јаневски: Договорот што струмички Комуналец го склучи со фирма за собирање смет е спогодбено раскинат

249

Договорот за собирање смет од милион и 200 илјади евра што минатата недела струмички ,,Комуналец’’ го склучи со приватната фирма ,,Дасмак’’ е раскинат. Градоначалникот на Струмица Коста Јаневски денеска информираше дека договорот е раскинат спогодбено без било какви правни последици за двете страни. Раскинувањето дојде откако јавноста остро реагираше на склучениот договор а пред три дена лично и првиот човек на општината побара договорот да се повлече бидејки бил несоодветен и можеле да се изнајдат други решенија за собирање на сметот од градот и населените места..

,, Сакам да ја информирам јавноста дека договорот кој што ,,Комуналец’’ го имаше склучено со одредена фирма за собирање смет, денеска е раскинат и тоа спогодбено со што ниту едната ниту другата страна нема да имаат правни последици од овој договор. И порана и сега сметам дека ова реакција вроди со плод се со цел ваквите одлуки кои што ги интереираат нашите сограѓани и кои што се од голема важност за нив треба да се одвиваат потранспарентно со поширока дебата со поиздржани решенија’’,  рече градоначалникот Јаневски

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.