Јаневски ги објави идејните решенија за новите домови на култура во Куклиш и Вељуса (фото)

359

Градoначалникот на општина Струмица Коста Јаневски на својата официјална ФБ страна ги објави идејните решенија за новите домови на ултура во Куклиш но и во населеното место Вељуса за кои има изработено комплетна техничка документација, при што објави дека и за двата објекти се издадени и одобренија за градби. Според објавата на Јаневски на ФБ, новиот Дом на културата во Куклиш, како градба ќе биде со околу 646 метри квадратни и висок 7 метри. Целиот простор е со 2296 метри квадратни каде е планиран и паркинг за 13 возила

Домот на културата во населеното место Вељуса според објавеното од страна на првиот човек на општина Струмица – Јаневски ќе биде со површина до 664 метри квадратни и висок околу 5 метра. Планирано е да има и паркинг за 3 возила

Според проектната документација, објектите се предвидени да имаат сала за приредби и претстави со сцена и гардероби за изведувачи, влезен ходник со пристапни скали, библиотека со читална, две простории за културно уметнички друштва, две канцеларии за вработените, клуб на пензионери, канцеларија на месната заедница, кафетерија, санитарни простории и просторија за сместување на термотехнички инсталации.

,,Го враќаме културниот живот во населените места Куклиш и Вељуса. Изработена е комплетна техничка документација за целосна реконструкција на опожарениот Дом на културата во Куклиш и за Домот во Вељуса и издадено одобрение за градба за истите,, објави градоначалникот на ФБ Коста Јаневски.

Како ќе изгледаат новите Домови на култура во Куклиш и Вељуса можете да видите ОВДЕ

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.