Шампионот Џио Струмица славеше на тешкото гостување во Тетово, сега се спрема за скопски Вардар

1324

Одбојкарите на Џио Струмица забележаа победа против Универзитет Тетово кој се смета за еден од конкурентите за висок пласман ова сезона. На гостувањето во Тетово славеа со 3:2 во сетови во меч кој домашниот состав извлече бод против бранителот на двојната круна од минатата сезона.

Струмичани добро го отворија мечот и поведоа со 1:0 ( 25:19) но во продолжението Универзитет Тетово успеа да направи пресврт добивајки ги следните два сета (28:26 и 25:19). И кога се мислеше дека шампионот ќе го доживее првиот пораз, Џио Струмица ја консолидираше својата игра и се избори за тај брејк добивајки го четвртиот сет со 25:20. Во одлучувачкиот сет избраниците на Кире Ричлиев одиграа сконцентирано и го добиј со 15:12 за да ја забележат петатата победа во првенството

Следното коло Џио е слободен по што ќе игра со скопски Вардар тим кој ова сезона најави директен атак на двојната титула и прекин на доминацијата на струмичкиот тим. Дербито со Вардар е на 9 ти декември во салата Парк во Струмица

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.