ЦРЈПР објави Водич со добри практики за справување со последиците од климатски промени во заедниците

215

Центарот за развој на Југоисточниот плански регион објави Информативен водич-збирка со добри практики за справување со последиците од климатски промени во локалните заедници. Станува збор за водич во кој се наведени повеќе примери  со различни мерки за прилагодување на заедниците кон климатските промени но и ризиците како што се ерозија, поплави, бури, суши . Станува збор за успешно реализирани проекти во земјава и соседна Бугарија како и европски и меѓународни примери за активности за ублажување на последиците од климатските промени.

Информативниот водич – збирка на добри практики за справување со последиците од климатските промени во заедниците, Центарот за развој на Јуогисточниот плански регион од Струмица го изработи во партнерство со општина Сандански – Бугарија  во рамки на проектот „Заеднички активности за спречување и намалување на последиците од катастрофи во општините Сандански и Радовиш“ кофинансиран од Европската Унија преку Интеррег-ИПА Програмата за прекугранична соработка помеѓу Република Бугарија и Република Северна Македонија” 2014- 2020.

,,Размената на добри практики и искуство помеѓу локалните заедници и регионите во различни земји во областа на справување со последиците од климатските промени е клучна за постигнување одржливи резултати, како на локално, така и на регионално и национално ниво, со што се овозможува да се идентификуваат потребите, изводливите решенија, како и истите да се применат кога тоа е потребно. Преку овој Информативен водич, локалните и регионалните чинители можат да се осврнат на идеи за подобрување на квалитетот на нивните проекти, програми и политики за борба против ефектите од климатските промени и да обезбедат одржлив развој на локалните заедници и региони,,велат од Центарот за развој на Југоистокот

Информативниот водич во кој освен од Македонија и Бугарија добри практики за справување со последиците од климатските промени има и од Грција, Романија и Турција, како дел од Програмите за прекугранична соработка меѓу овие земји. Како двојазичен документ на македонски и англиски јазик во печатена форма е достапен во просториите на Центарот за развој на Југоисточниот плански регион, а во електронска форма го има на следниот ЛИНК

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.