Центарот Новус со „герила акција“ потсети на ветувањето Локален младински совет во Струмица

484

Локален младински совет е потребен на општина Струмица – децидни се од Центарот за истражување и анализи ,,Новус’’ кои во Домот на АРМ организираа герила акција со цел да го потсетат градоначалникот Костадин Костадинов на ова предизборно ветување но и да ги анимираат младите дека треба да бидат дел од иницијативата за формирање Локален младински совет на Струмица.

,, Ова герила акција е да ги мобилизраме младите. Го нарекуваме симулација на Локален младински совет. Целта е да ги потсетиме надлежните з аова ветување но и да ја подигнеме свеста за формирање оти има млади талентирани лица кои може да бидат во локалниот совет кој сеуште го нема. Правевме истражувања и податоците покажаа дека младите во Струмица не се информирани какви локални младински политики има а сакаат да партиципираат во функционирањето на Локален младински совет,, вели Данче Кирова мобилизатор

Општина Струмица деновиве распиша јавен повик до младите за учество во иницијативен одбор кое ќе ја тера постапката за основање на ова тело преку кое ќе се артикулираат потребите на младите од општината. Паралелно во Струмица веќе се работи  и на Стратегијата за млади а годинава трева да биде готов и Младинскиот центар во подрумските простории на општинската зграда

,, Пред да почнеме да го реализираме овој проект, немаше ниту отворен повик ниту пак стариот младински совет беше активен. Врз основа на состаноците на мобилизаторите со служебникот на млади при Општина Струмица  и по нивна иницијатива, се потикна општината кончено да објави Повик до младите за членување во иницијативен одбор за формриање Локален младински совет согласно законот за младинско учество и младински политики,, кажа Ана Клесова од Новус

Герила акцијата на Центарот ,,Новус’’ беше во рамките на проектот  ,,Поддршка на изборни реформи’’ на Владата на Швајцарија имплементиран од Меѓународната фондација за изборни системи ИФЕС.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.