Центарот за развој на Југоистокот отвори „Заеднички работен простор“ за поддршка на бизнис и граѓанскиот сектор

109

Во функција на развој на малите и средни претпријатија, граѓанските организации, самостојните работници како новинари, консултанти, Центарот за развој на Југоисточниот плански регион отвори заеднички работен простор кој може да го користат и каде што ќе може да добиваат поддршка од самиот Центар. Станува збор за проект на регионалниот бизнис центар од грантовата шема за иновативни проекти на регионалните бизнис центри на планските региони поддржан од Швајцарската Агенција за развој и соработка и Министерството за локална самоуправа.

,,Имаме една канцеларија која ќе даде можност на новите фирми да ја користат како потреба од простор и работно место. Истата може да ја користат и консултантски фирми, новинари, граѓански организации, кои имат потреба од работно место, канцеларија.Просторот може да го користат повремено или постојано. Има и бизнис сала која што дава можност за поголема соработка со сите 10 локални самоуправи од Југоисточниот плански регион но и за соработка со бизнис секторот за состаноци, менторство но и помош при аплиакција и изработка на проекти за користење средства од домашни и странски фондови,, изјави Жулиета Ѓуркова од Центарот за развој на Југостичниот плански регион која на амбасадорката на Швајцарија Сибил Сутер Теада и додели плакета за соработката

Преку Швајцарската амбасада и Министерството за локална самоуправа беа инсталирани 23 агрометео станици кои ќе бидат во функција на земјоделците, за што Центарот за развој на Југоистокот организираше регионален форум.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.