Центарот за развој на Југоистокот објави видеа за примена на современи агроеколошки мерки во градинарството и овоштарството

838

Центарот за развој на Југоисточниот плански регион објави две видеа за примена на современи агроеколошки мерки во градинарството и овоштарството како дел од проектот  „Управување со сливот на река Струмица“ што Центарот  го спроведува во партнерство со УНДП и повеќе институции на национално и локално ниво, а со финансиска поддршка на Швајцарската агенција за развој и соработка.

Станува збор за видеа со кои на едноставен начин, преку примери на земјоделски семејства се даваат упатства како до заштеда на водните ресурси а со тоа и намалување на производствените трошоци во делот на наводнување и заштита на посевите. Со соодветна примена на дадените мерки, се очекува да се зголемат приносите од една страна а од друга страна да се намали загадувањето на почвата и басенот околу реката Струмица која поминува низ радовишкиот и струмичкиот регион

Целта на проектот што со години го имплементира Центарот за развој на Југоисточниот плански регион а преку кој повеќе земјоделци добија и опрема за примена на агроеколошки мерки преку соодветна едукација е да се намали ризикот од поплави и суши но и да се намали загадувањето и да го подобри еколошкиот статус на водите во сливот на река Струмица. Паралелно со намалувањето на заштитните средства и примената на современите агроеколошки производи се очекува и производство на квалитетни и еколошки здрави градинарски производи и овошје.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.