Пратеникот на ЗНАМ од Струмица Миле Цеков објави дека системот за Спас на Дојранското езеро ќе функционира иако има злонамерни лица кои сакаат да го спречат да биде успешен. Тој ова го објави откако стасаа реакции дека не тече вода од системот Ѓавато во Дојранското езеро иако викендов беа ставени во функција три потопни помпи.
Во својот пост соопштува дека непознати лица направиле насипи за пренасочување на водата од Ѓавато за што изрази оптимизам дека надлежните инспекции ќе интервенираат.
,, Иако злонамерни лица со насипи од земја сакаат да спречат спас на Дојранското Езеро, каналот ќе биде саниран и овој злонамерен обид нема да биде успешен. За жал, засега непознати лица, направиле насипи за пренасочување на водата од хидросистемот Ѓавато. Сигурен сум дека надлежните инспекции и министерство ќе реагираат брзо и соодветно,, напиша на ФБ пратеникот Миле Цеков од ЗНАМ
Во саботата министерот за животна средина Изет Меџити и раководителот на ,,Ѓавато“ Јован Попов потврдија дека на неколку позиции хидросистемот е оштетен и протекува вода како и тоа дека на него има диви приклучоци за наводнување. Кажаа дека оваа недела откако ќе се пуштат пумпите ќе се простудира состојбата и ќе се види кои решенија и мерки ќе бидат превземени за што си договорија средба неделава.
Владата на седница ја усвои Информацијата за ставање во функција на хидросистемот за Спас на Дорјанското езеро при што го задолжи Министерството за животна средина и просторно планирање да предвиди и алоцира финансиски средства во Буџетот за 2025 година за реконструкција на хидросистемот со цел спречување на голема еколошка катастрофа.
Во саботата беа пуштени во функција три потопни пумпи од Ѓавата со капацитет од 200 литра во секунда а денеска стасаа реакции дека водата протекува и не се полни езерото. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
