ФФМ работи со Статут спротивен од Законот за спорт соопшти АМС и бара од субјектите почитување на прописите

200

Агенцијата за млади и спорт денеска соопшти дека ФФМ работи со Статут кој не е во согласност со Законот за спорт. Известувањето до јавноста АМС го пласираше откако  Државната комисија за одлучување во втор степен во областа на инспекцискиот надзор и прекршочна постапка, ја отфрли жалбата на ФФМ и потврди дека ова Федерација работи со Статут кој е спротивен на позитивната законската рамка во земјава.

,,И по предвидениот рок за постапување по Решението коешто се однесува на усогласување на Статутот на федерацијата со Законот за спорт, Фудбалската федерација не постапи согласно наводите и диспозитивот на решението, туку спротивно на тоа продолжи да функционира со истиот Статут, којшто е спротивен на Законот за спорт и со позитивното право, и спротивно на решението донесено од Државната комисија за одлучување во втор степен во областа на инспекцискиот надзор и прекршочна постапка.  Имено, во овој период кога истекува мандатот на функционерите во ФФМ (делегати, членови на УО и застапникот) започнати се активности со цел одржување изборно Собрание, коешто е спротивно на Законот за спорт и позитивното право во државата,, се вели во известувањето од АМС

АМС бара од сите спортски субјекти безусловно почитување на позитивните прописи, и нема да дозволи  и нема да толерира непочитување и постапување спротивно на она што налагаат одредбите од Законот за спорт.

,,Агенцијата за млади и спорт како орган на државната управа, надлежен за работите од областа на спортот, презема активности и дејствија согласно горенаведеното Решение и од сите спортски субјекти бара безусловно почитување на позитивните прописи, и нема да дозволи  и нема да толерира непочитување и постапување спротивно на она што налагаат одредбите од Законот за спорт. За сите понатамошни активности на Агенцијата за млади и спорт кои ќе бидат преземени согласно Законот за спорт и позитивното право во државата, целата спортска јавност ќе биде благовремена известена,, стои во известувањето од АМС

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.