Фронтот „Стига е“ реагира за смената на Ѓуркова – нејзин грев е што има интегритет и нема политичка позадина

392

Фронт против рудникот и загадувачите на животната средина „Стига е“ која има свои своетници во Советите на општините Струмица, Босилово и Ново Село реагира на разрешувањето на Жулиета Ѓуркова од функцијата директор на Центарот за развој на Југоисточниот плански регион. Во нивната инфомрација објавена на ФБ изразуваат зачуденост и револт од ваквиот чекор на градоначалниците за раководно лице кое во изминатите години има јасно видливи и мерливи резултати за кои зборуваат бројките од над 85 реалзиирани проекти со инвестиции од над 15 милиони евра

,,Фрапирани сме од бледото и целосно неиздржано соопштение од името на сите градоначалници со кое се образложува причината за смената кое во недостиг на никакви аргументи и метрики се покрива со некаква потреба за НОВО лице со наводно некаква “нова свежина”. Јасно е за каква свежина станува збор ако двете големи партии се согласуваат за промена на компетентен менаџер со резултати,, стои во реакцијата на ,,Стига е“

Според овој Фронт само деклартивни се заложбите на одговорите за департизација на институциите, бидејки на терен се гледа сосема спротивното, откако во јавноста веќе се шири име на поранешен пратник на ВМРО ДПМНЕ

,,Впрочем се чини дека едниствен грев на директорката е тоа што има интегритет и нема политичка позадина што ја прави неповолна за да биде дрон на курто-мурто двопартизмот. Од друга страна на сите ни е јасно дека во општинските администрации и јавните претпријатија има ептен многу кандидати за промена ако критериумите на “принципиелните” градоначалници е НОВО ЛИЦЕ и СВЕЖИНА,, стои во реакцијата на ,,Стига е“

Советот на градоначалници на Југоисточниот плански регион на седница во Босилово со 8 гласа ЗА донесе одлука за разрешување на Жулиета Ѓуркова од позицијата директор на ЦРЈПР. Првиот човек на Советот, гевгелискиот градоначалник Андон Сарамандов соопшти дека Ѓуркова на ова функција е 14 години и дека ставот на градоначалниците бил дека добро е да ја наследи ново лице кое би додало нова енергија во работењето на Центарот за развој на Југоисточниот плански регион со цел навремено остварување на програмата на планскиот регион и акциониот план за нејзино спроведување

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.