Фото: Стариот пат Василево – Добрејци се асфалтира, веќе ќе нема коцка

1661

Стариот патен правец Струмица-Василево на потегот од Добрејци до надвозникот кај индустриската зона кај Василево се асфалтира. Станува збор за делница која беше во доста очајна состојба и предизвикуваше нервози кај учесниците во сообраќајот кои го избегнуваа овој пат, иако на овој потег никнаа голем број стопански капацитети.

Градежни екипи ангажирани од Јавното претпријатие за државни патишта денеска вршеа асфалтирање и проширување на ова делница која треба да биде готова за кус рок со оглед дека пресотануваат уште стотина метри да се асфалтира  предвидената делница со што се очекува квалитетно сообраќајно поврзување на Василево со Добрејци.

,, Овој патен правец доста го користат жителите на општинскиот центар Василево како едно од сообраќајните решенија до Добрејци и Струмица. Згора на овој дел се зголемуваат и индустриските капацитетите а имајки во предвид дека беше сеуште со коцка, како општина уште лани поднесовме барање за реконструкција и еве директорот на Јавното претпријатие за државни патишта Зоран Китанов најде начин да го вметне овој пат во годишната програмата, кој всушност преставува и меѓуопштински патен правец’’, ни изјави градоначалникот на Василево Марјан Јанев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.