Фото – Лица со интелектуална попреченост изработуваа и продаваа велигденски експонати во центарот на Струмица

693

Лицата со интелeктуална попреченост од Струмица излегоа на улица за да ги продаваат велигденските експонати што ги изработиле со своите родители а со парите да набават матријал за изработка на други творби за во иднина. Со помош на своите родители и едукатори  членовите од ЦПЛИП ,, Порака’’ од Струмица  паралелно  изработуваа и велигденските украси. Лепеа коноп, боеа украси, нижеа монисти и украсуваа јајца а пак со нивните родители на посебен штанд  ги продаваа на струмичани честитајки им ја  лазарова сабота.

Повеќе стотина украси изработени до текстил, метал, хартија, трева беа понудени во центарот на градот, каде струмичани можеа да купат експонати во пресрет на Велигднеските празници. Соња Сачевска од Центарот ,,Порака’’ кажа дека се купувале експонатите чија цена се движеше  од 100 до 200 денари за парче. Но таа и останатите родители кои учестуваа во акцијата кажаа дека  многу ги  боли кога минувачите ќе ги пофалиле но не купувале

Како што информираа од Центарот ,,Порака’’ велигднески експонати ќе се продаваат и во текот на следната недела  и преку изложувањето на рачните изработки тие ќе ја пренсуваат пораката за локална заедница без предрасуди и прифаќање на различностите.Инаку лицата со интелектулна попреченост во Струмица, во својот клуб контуинирано изработуваат експонати и украси кои за поголеми празници или манифестации сами ги изложуваат и ги продаваат на заинтересираните граѓани.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.