,,Ова ќе биде навистина прекрасен простор за спортување и рекреација, не само на најмладите, туку и на повозрасните,, . Ова го истакна градоначалникот на Гевгелија Сашо Поцков кој го посети спортско рекреативниот центар Динќут кој се дотерува со европски пари и побара поголема грижа од страна на посеителите
Изведбените работи за уредување на овој спортско-рекреативен центар влегуваат во завршна фаза. На Динќут, познато гевгелиско излетиште, уредени се детски игралишта, фитнес зона, амфитеатар, карпа за искачување и детски играчки. Покрај ова, изградена е трим патека, летниковци, а поставена е и комплетна урбана опрема.
Уредувањето на Динќут е дел од проектот „Афирмација на природните и културните вредности во пограничниот регион”, за чија реализација на општина Гевгелија од ИПА Програмата за прекугранична соработка меѓу Република Македонија и Република Бугарија и беа одобрени ЕУ се доделени 169.692 евра.
Овој проект општина Гевгелија го реализира во партнерство со Агенцијата за локален развој во Банско, Бугарија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
