Фото – Во Радовиш поставена нова урбана опрема, елементите со уникатен архитектонски дизајн

1941

Деновиве заврши поставувањето на новата урбана опрема која треба да му даде нов лик и слика на Радовиш. На повеќе локации низ градот поставени се нови клупи за одмор, столчиња за седење, корпи за отпадоци, велопаркинзи, заштини столбчиња и жардинерии со нов дизајн кои се функционални и го освежуваат секој простор.

Сите елементи се изработени од челик и дрво а  дизјанирани од архитектот при општина Радовиш – Игнат Инадески кој со новата урбана опрема се обидува да им даде нов современо-естетски и уникатен лик на јавните површини во градот.

,, Уникатниот дизајн се базира на естетиката на свиткан челик и природна комбинација со дрвени класични елементи, како површина за седење со кои се изработени три вида на клупи и столчиња. Елеганцијата на перфорираниот челик најдобро го доловува карактерот на корпите за ситен отпад офарбани во доминантно жолта боја, мат графитно сива и темно зелени. Иновативниот дизајн на велопаркингот овозможува на секој велосипедист слободно да го остава безбедно својот велосипед заклучен на челичната рамка, а тука си и заштитните столбчиња со цел да се спречи неосвесното паркирање по тротоари и јавни зелени површини,, ни изјави Инадески архитект во општина Радовиш

За овој проект средствата во висина од 1,3 милиони денари  се обезбедни од Буџетот на општина Радовиш а низ градот поставени се стотина заштитни столбчиња за тротоари и јавни зелени повшрини, педесетина дизјанирани елементи за паркинг на велосипеди но и по триесетина клупи за одмор и релаксација, солчиња за седење, и корпи за отпад

,,Со овој проект ја заменуваме оштетената урбана опрема и поставуваме нова. Оштетените ќе ги поправиме и ќе ги ставиме на позиции каде нема.Што значи дека старите нема да се уништат туку ќе бидат репарирани и искористени на други локации во општината.Јас би сакал да апелирам до граѓаните  да ја чуват ова опрема бидејки преставува наше заедничко добро, односно да се однесуваме одговорно кон новата урбана опрема ’’ потенцираше градоначалникот на Радовиш Герасим Конзулов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.