Фирми и институции од Гевгелија, Богданци и Дојран обезбедија медицинска опрема од 25 илјади евра за болницата во Гевгелија

1502

Општина Гевгелија на својата веб страна објави дека во изминатиот период голем број фирми од ова општина но и од соседните Богданци и Дојран вклучувајки ги тука и локалните самоуправи и јавни институции реализирале повеќе хуманитарни акции за гевгелиската болница за да се ублажат последиоците од пандемијата предизвикана од вирусот ковид-19. Сите тие ја покажале својата општествена одговорност и самоиницијативно или во соработка со општините донирале за болницата за поефикасно справување со пандемијата.

,,Со последната хуманитарна акција што ја организираше фирмата „Жито Пром“ од Гевгелија заедно со повеќе фирми од Општина Гевгелија и од општините Богданци и Дојран, обезбедени се медицинска опрема и уреди во вредност од 25.000 евра за Општата болница и Центарот за јавно здравје-Гевгелија. Во хуманитарната акција учествуваа: „ЖИТО ПРОМ“, АМД „Дичо Панов“, „Конти Хидропласт“, „Џиви Доо”, ПЗУ „Дентиција”, „Итек Системи“, Здружение на возачи – Гевгелија, „Пет нет“, „Мем – Вочар“, Текстилна корпорација, „Штампа“, „Нар комерц“, „Дизел Ка-Ле“, „Марина Љупчо“, „Армор“, „Моделс Кокочев“, „Колвеко“, „Југостил“, „Дојран Стил“, Општина Богданци, Општина Дојран и ЈПКД „Комуналец“- Гевгелија,, објави оптшината на својата веб страна 

Инаку во Гевгелија подигната е модуларната болница а според статистиката на здравствените власти. досега од вирусот ковид-19 во овој регион заболеле вкупно 1060 лица од кои 71 од општина Дојран, 180 од општина Богданци а во евиденцијата се водат и 12 странски државјани. Заклучно со вчера во овој регион има регистрирано 314 активни случаи а од почетокот на пандемијата досега од компликации од вирусот починале 23 лица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.