Филипче од Неготино: Ве повикувам да им се спротивставиме на оние кои сакаат СДСМ да биде поделена

121

Д-р Венко Филипче вечерва од Неготино од каде продолжува караванот на СДСМ и Коалицијата за европска иднина, ги повика граѓаните да им се спротивстават на оние кои сакаат партијата СДСМ да ја видат поделена. Тој, како носител на листа во Изборна единица 4, пред граѓаните рече дека гласовите дадени за кандидатите на другите политички партии можат да бидат вратени.

„Многу од гласовите што беа дадени за други претседателски кандидати, можат да бидат вратени за листите на СДСМ и коалицијата. Јас знам дека сите оние кои се незадоволни сакаат да испратат порака. Но, силно верувам дека никој не сака да ја види СДСМ на колена, а ВМРО-ДПМНЕ разулавена и без контрола. Ве повикувам да им спротивставиме на оние кои очигледно сакаат СДСМ да биде поделена. Нека не ве лажат кога ви кажуваат дека глас за ЗНАМ е глас за социјалдемократска партија. Или дека пак тоа не е против СДСМ“, рече Филипче вечерва во Неготино.

Тој на вечерашниот митинг ги потсети граѓаните дека СДСМ е партија која секогаш била покрај граѓаните кога требале да се донесат важни и државнички одлуки по што ги повика неготинчани да им дадат поддршка на кандидатите на СДСМ и Коалицијата за европска иднина и да покажат дека пресврти се можни кога е во прашање државата.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.