Уште еден позитивен случај на Ковид-19 во општина Струмица, во земјава за последните 24 часа 163 новозаболени и 8 починати

1350

Во последните 24 часа се направени 1794 тестирања а регистрирани се 163 нови случаи на ковид-19 објави министерот за здравство Венко Филипче . По градови и понатаму најмногу има во Скопје 87 лица. Во Куманово има 7 новозаразени во Дебар 2, Штип 10, Прилеп 3, Тетово 16, Струга 8, Охрид 1, Кавадарци 1, Демир Хисар 1, Гостивар 8, Струмица 1, Кратово 1, Свети Николе 9, Кичево 3, Ресен 5.

Според информациите од Центарот за Јавно здравје од Струмица новозаболеното лице од коронавирус во овој регион е 41 годишна жителка од населеното место Дабиље. Како што кажаа има врса со веќе познат кластер. Ова е втор случај на позитивен во ова населено место. Досега во Струмица се регистрирани 18 а активни се 10 случаи.

Починати се 8 лица, шест пациенти од Скопје, еден од Дебар и еден пациент од Тетово. Денеска Институтот за јавно здравје регистрира 230 оздравени лица.

Вкупната бројка на ковид дијагностицирани во нашата земја од почетокот на епидемијата изнесува 7406, бројката на оздравени пациенти е 3554, на починати е 359, а во моментов бројот на активни случаи во земјата изнесува 3493.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.