Ученици од „Видое Подгорец“ со родители како група „Астра“ ќе дебитираат на Струмичкиот карневал (фото)

1696

Учениците од од IV- А одд. од ООУ „Видео Подгорец“ – Струмица заедно со своите родители како карневалска група „АСТРА“  за првпат ќе дебитираат односно учествуваат на Струмичкиот карневал. Тие ќе се престават со маската ,, Шеќерното царство на Струмица“ која ќе брои 32 члена и според најавите од Гордана Тилева одделенски наставник и иницијатор за ова маска, истата ќе биде уникатна, забележана и запаметена од присутните.

,, Повеќе од три месеци за време на часовите по Ликовна уметност, на и на голем број додатни часови, како и во соработка со родителите, ја подготвуваме маската со назив „Шеќерното царство на Струмица“. Ќе настапиме во категоријата дебитанти и можам да најавам дека маската ни е уникатна, рачно изработена благодарение на несебичната посветеност како на децата така и на нивните родители,, ни изјави Тилева која за добиената поддршка, упати благодарност и до директорот на школото Видое Подгорец – Леонид Танчев

Инаку децата со нивните родители освен што ги доработуваат последните детали на маската, паралелно ја вежбаат и кореографијата за настап пред жирито, надевајки се дека истата ќе биде препознаена на големото дефиле што ќе биде утревечер што ќе биде дополнителен мотив за групата Астра да продолжи да функционира.

,,Можам само да кажам дека нашата маска „Шеќерното царство на Струмица“ под реден број 20 е уникатна и верувам дека сигурно ќе биде забележена и запаметена, а ако биде и наградена, тоа ќе биде голема радост за моето детско царство и едно големо признание и мотивација за понатамошни успеси,, вели наставникот Гордана Тилева која израснала во Штип и како дете постојано го следела Струмичкиот карневал од кога и се родила и да биде дел од ова манифестацијата.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.