Утре барикади во Гевгелија на кои граѓаните ќе упатат пораки до пратениците и политичарите !

4502

Здруженијата на граѓани „СПАС ЗА НАС“ и „ЧЕЈНЏМЕЈКЕРС“ и двете од Гевгелија, на ден 25.06.2021 година организираат предупредувачки барикади на влезовите на Гевгелија во периодот од 9 до 11 часот. Од овие барикади, граѓаните на сите пратеници и политичари им порачуваат:

  1. Сите пратеници во Собранието на Македонија, едногласно да го отфрлат предлогот на новиот Закон за отпад со кој повторно се дозволува увоз на отпад за преработка во РДФ. Македонија не смее да стане депонија на отпадот од Европа. Во изминатиот период,  владите на ВМРО-ДПМНЕ и на СДСМ, заедно со ДУИ, наместо да го решеа прашањето со домашниот отпад во кој се гуши државата, носеа закони со кои на неколку моќници им дозволуваа во Македонија да увезуваат отпад заради лично богатење. Тоа придонесе до катастрофални последици по здравјето и животот на граѓаните.
  1. Граѓаните им порачува на надлежните министерства да не дозволат издавање на нова дозвола за отварање на рудникот Казандол кај Валандово. Јавноста е вознемирена од информациите дека до надлежните министерства е пристигнато прелиминарно барање за отпочнување на постапка за добивање на дозвола за работа на рудникот Казандол. Граѓаните со жив ѕид и блокади ќе стопираат било каква рударска активност на југоистокот.
  2. Граѓаните им порачуваат на сите компании, кои се бават со загагдувачка индустрија и кои безраборно покренуваат судски постапки против здруженијата на граѓани и поединци кои се борат да ја зачуваат животната средина и сопственото здравје, дека со тоа не го заплашуваат или замолкнуваат народот, туку напротив го прават посилен и поодлучен во борбата да си ги зачува своите огништа. Рудници и фабрики за преработка на отпад да си отварате таму од кај што сте дојдени. Овде сте непожелни.

Доколку пратениците и надлежните министерства не ги слушнат пораките на граѓаните, ќе следуваат барикади со комплетно блокирање на целиот регион на југоистокот на Македонија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.