УГД на студиските програми во Струмица, Гевгелија и Радовиш во прва година ќе прими 640 студенти

2086

Штипскиот Универзитет ,,Гоце Делчев’’ го објави конкурсот за упис во прва година за следната академска година а на дисперзираните студии во Струмица, Радовиш и Гевгелија места ќе има за 640 студенти во редовната квота, квотата со кофинансирање за кои партиципацијата изнесува 100 евра и за вонредни студенти за кои партиципацијата изнесува 400 евра за една студиска година

Во Струмица може да се запишат вкупно 560 студенти во прва година и тоа на студии на правниот, економскиот, машинскиот, земјоделскиот и филолошкиот факултет. Според објавениот конкурс најмногу студенти може да се запишат на економскиот за финансии , менаџмент и претприемништво и за сметководство и ревизијат вкупно 210 студенти. На правниот може да се запишат 80 студенти а на земјоделскиот факултет на студиите градинарство и растителна биотехнологија по 35 или вкупно 70 студенти

На машинскиот факултет во Струмица ќе има три студиски програми мехатроника, индустриско производство и производно машинство. На овие програми во прва година може да се запишат 100 студенти а на филолошкиот факултет на студиите за англиски и италијански јазик и книжевност право на упис ќе имат 90 студенти

Во Радовиш на електротехничкиот факултет, наставна програма мехатроника и роботика ќе се запишат вкупно 30 студенти додека на Факултетот за туризам и бизнис логистика во Гевгелија за прва година има 60 слободни места за наставните програми туризам и бизнис логистика

Првиот уписен рок на овој Универзитет ќе биде 26,27,29,30 август и 2 септември а кандидатите, пријавите за овие студиски програми може да ги достават во Струмица, Гевгелија и Радовиш

Еве го конкурсот за упис на УГД Штип

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.