Тутунарите и понатаму не го даваат родот оти откупните цени се ниски, немаат намера тутунот да го предадат за џабе

298

Продолжуваат реакциите кај тутунарите кои и понатаму целосно не ги предаваат произведените количини. Во струмичко радовишкиот регион откуп вршат 5 компании. Нивните пунктови секојдневно се отворени  но и понатаму има бојкот од страна на производителите. Тие го предадоа тутунот од првите берби  кој е со послаб квалитет во однос на трета и четврта рака на берба. На ниво на држава откупени се околу 6 илјади тони тутун. Главната причина за проблемите кои годинава кулминираа со бојкот на откупните пунктови се законските измени од пред две години со кои веќе откупувачите немаат обврска да преговараат за цените туку само на пет дена пред почетокот на откупот треба да објават како тие ги скроиле по нивна мера.

Ѓорѓи Каракашев од Националната мрежа на земјоделци вели дека годинава е поразителна ако се земат во предвид количините на тутун и цената по која се откупува.Лани неквалитетен тутун се откупуваше по цена од 300 денари, годинава ова е цената за екстра квалитетен тутун. Каракашев истакна дека ова е една од главните причини поради кои откупните пунктови се празни.

,,Оваа година имаме една поразителна година, каде имаме многу драстично намалени количини на тутун, цената е драстично непроменета од 330 денари засега. Очекуваме да надвладее разумот од страна на откупните фирми и економската логика да се направи некоја корекција. За сега се предадени некаде околу шест милиони килограми, нашите предвидувања се дека има уште четири милиони килограми не предадени, изјави денеска Каракашев.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.