Три сестри од струмичката болница позитивни, директорот Гогов бара персонал за ковид центарот кој се проширува !

1114

Три нови медицински сестри се позитивни на коронавирусот во струмичката болница заради што ова установа од министерството за здравство бара да регрутира дополнителен персонал од околните градови што ќе работат во дневниот ковид центар. Директорот Гогов вели дека состојбата станува алармантна пред сè заради големите дневни бројки на ковид дијаностицирани и лица кои бараат болничко лекување. Во моментов се ангажираат сестри од другите одделенија но како што подвлече Гогов се чувствува потреба од дополнителен персонал

„За да функционира новоотворениот ковид центар ангажираме сестри од други одделенија. Но и таму е зголемен обемот на работа така што ни недостасува персонал. До Министерството за здравство испративме барање за одобрување на дополнителен персонал во Струмица односно доктори и медицински сестри да бидат регрутирани од други градови за овде да работат оти ни требат во овој период. Имајќи предвид дека се зголемува потребата од пружање помош, наскоро ортопедската и гинеколошката амбуланта ќе бидат пренаменети за ковид пациент. Засега адаптираме соба со 6 кревети која ќе биде дел од новоотворениот ковид центар“, вели Гогов.

На инфективното одделение во Струмица хоспитализирани се 20 пациенти додека на дневниот ковид центар 13 лица кои се со полесна клиничка слика. Заради секојдневните двоцифрени бројки на новозаболени ќе се адаптира уште една просторија од поранешниот амбулантски оддел. Струмица последниве два дена забележа 66 нови позитивни . Досега се регистрирани 503 лица со ковид-19 а во моментов има 303 активни случаи претежно на возраст од 30 до 80 години. Од почетокот на епидемијата во струмичко од компликации од коронавирусот починаа 16 лица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.