Три од три за Академија Пандев во пресметките со Беласица ова сезона

185

Љупче Дориев го реши третото струмичко дерби во корист на својот тим Академија Пандев. На стадионот Младост во Струмица ,, пандевци’’ ја забележаа и третата победа во меѓусебните пресметки. По ланските августовски 2:0 на Младост и октомвриските 3:0 на стадионот Кукуш, сега Академија Пандев славеше минимална но значајна победа против синобелите од 1:0 со голот на Дориев

Со ова победа момците на Југослав Тренчовски си го трасираат патот и за излез во Европа. Сега се на втората позиција и го претекнаа Вардар што е дополнителен императив за Академијата на Горан Пандев како најмлад фудбалски клуб да излезе на европската сцена дали преку првенството или пак преку КУПОТ

За разлика од пандевци, струмичките синобели ќе мора да ја подобрат реализацијата, оти во мечот со градскиот ривал одиграа одлично второ полувреме со многу шани но немаше голови. Следното коло Беласица и гостува на Шкендија, Академија Пандев го пречекува Шкупи . Во меѓувреме во среда синобелите го играат првиот меч од полуфиналето од Купот против Македонија ГП и шанса за Раде Цицмиловиќ и Ѓоко Хаџиевски нивните пулени да докажат дека не се лесен залак

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.