Три лица од Гевгелија починаа за еден ден oд ковид-19, меѓу нив и пејачот и музичар Васил Ангов

629

Поради компликации од коронавирусот синоќа на 51 годишна возраст почина гевгелискиот музичар и пејач Васил Ангов познат  во македонската јавност по фестивалските  хитови  ,,Оди Адио’’, ,, Премногу ти верував’’,  ,,Кому да го дадам срцето’’.   Веста ја потврдија од неговото семејство, кое заради влошената здравствена состојба од Инфективна го префрлиле на лекување во приватната клиника..

Од Центарот за јавно здравје од Гевгелија информираа дека Ангов бил позитивен пред десетина дена но заради хорнична астма неговата состојба  нагло се влошила заради што бил хоспитализиран во болнички услови и бил на респиратор.

Во последните 24 часа освен Ангов починале уште две лица од Гевгелија од компликации предизвикани од ковид-19 и бројката на починати во овој регион се зголеми  на 5 лица.

,, Во  текот на вчерашниот ден починаа три лица од Гевгелија кој беа на лекување во Скопје. Станвуа збор за две машки лица на возраст од 50 тина години и една жена која повеќе од две недели беше на Инфективна’’, ни изјави Димитар Крџев од гевгелиската општа болница кој апелираше до своите сограѓани строго почитување на мерките

Во гевгелискиот регион досега заболеле 309 лица од кои 100  тина се за последните 10 дена. Во моментов има активни 167 случаи од кои 16 се жители на општина Дојран а 47 на општина Богданци

Инаку зголемениот број на заболени од кроонавирусот во гевгелиско како што кажаа од Центарот за јавно здравје е резултат на недисциплината на граѓаните кои со неносење маска и чести групирања овозможуваат широка трансмисија на вирусот

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.