Трафостаниците во Струмица добиваат нов лик преку проект на здружението „Прогрес ПРО-РЛ’’

557

Трафостаниците во Струмица добиваат ликовни дела и уметнички графити. Здружението на граѓани  „Прогрес ПРО-РЛ’’ со финансиска поддршка од општина Струмица го реализира проект за урбано разубавување на градот а трафостаниците добиваат нов лик со уметнички пејзажи што на просторот му дава посебен белег.  Како што објави градоначалникот на Струмица Коста Јаневски станува збор за проектот ,,Струмица Еко графити’’ за кој здружението „Прогрес ПРО-РЛ’’ доби пари од распишаниот јавен повика Програмата Г1 поддршка на ЛЕР за 2020 година.

,,На повеќе локации во градот извршено е ликовно разубавување на трафостаниците, а позитивните реакции на граѓаните, се уште еден поголем мотив за општина Струмица во поддршката на креативните идеи кои доаѓаат од граѓанскиот сектор кои оставаат свој белег во урбаниот живот на градот,, напиша градоначалникот Јаневски на својот ФБ страна

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.