Трактори со ѓубре наполнија струмичани со екоакцијата ,,Чисти ридови за сите’’ и апелираа да не се загадува (фото)

1322

Околу 200 струмичани денеска учествуваа во еко акцијата ,, Чисти ридови за сите’’ што се реализираше по две локации кон Чам чифлик над Струмица и тоа по Трим патеката од Ловен дом преку Св Илија а другата локација беше по патот од лозињата до Чам чифлик. Акцијата ја иницираше од ВК Актив од Струмица а се вклучија и членови од повеќе граѓански организации . Паралелно се вклучија и граѓани рекреативци кои сакаат чиста животна средина па почитувајки ги протоколите за заштита од ковид-19 денеска го собираа ѓубрето фрлени од несовесни граѓани.

Според информациите од организаотирете се собраа околу 400 тина пластични ќеси со разновиден отпад што го фрлале несовесни граѓани како по трим патеката така и покрај патот од кај лозињата. Се наполнија трактори со отпад. Граѓаните што учествуваа во акцијата беа изненадени од отпадот што го забележаа на овие две локации и апелираа во иднина да не се фрла по ридовите над Струмица кои се сметаат за ислетничко рекреативни места.

Освен „ВК Актив” учествува и членови на здруженијата „Беласица Ран”, „Ентузијаст”, Спортски клуб „Југоисток“, ОО на Црвен крст – Струмица, Младински совет – Струмица, „Монго кампинг”, „Здрава котлина”, „Планетум”, „Еделвајс”, Мотокрос клуб „Џабл”, ЦИА „Новус“ Струмица, „МВП Академија”, „Риверсаунд”, Кинолошкото Друштво „Астрион Канин“, Алпинистички клуб „Скала“, „Повик од Дивината“, Радиоаматерски клуб Струмица, ,,Зелен крст’’,  ,,Оne way’’.  Акцијата што сe реализираше беше поддржана од Општина Струмица, Делегацијата на ЕУ во земјава и Europe House Струмица (#ЗаЧистоКакоДомаИсто)

Активистите кои денеска учествуваа во екоакцијата велат дека над Струмица има сеуште отпад и дека треба сериозно да се размислува за уште вакви акции кои имаат за цел и подигање на јавната свест за почиста животна средина но и анимирање на институциите за почести контроли и поригорозни казни за загадувачите

фото ВК Актив

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.