ТППЕ Струмица со интервенции на запалена ниска шума, борови садници на повеќе локации денеска во струмичко

216

Струмичките пожарникари денеска имаа повеќе интервенции на гаснење на локации со нискостеблеста шума, млади борови садници во атарите на Колешино и Мокрино во општина Ново Село но и над населеното место Едрениково во општина Василево. Вечерва како што објави градоначалникот на Ново Село Ѓорге Божинов интервенирале и кај Мокринските извори каде што исто така избувна пожар.

,,Додека се обидуваме да ја подигнеме свеста за важноста од чувањето на нашата животна средина, сеуште имаме наши сограѓани кои палат огнови и ги ставаат во ризик животите и домовите на многу луѓе во општината. Ваков случај, после палењето на депонијата во Ново Село, денес имаме во атарот на Колешино,, објави градоначалникот на Ново Село Ѓорге Божинов откако во ова општина имаше пожари кај Мокрино и Колешино во текот на денот.

Во Колешино гореше запалена суа трева, грмушки и дрвја на површина од околу 3 хектари. ТППЕ Струмица интервенирала со четири возила и 14 пожарникари. Додека во Мокрино е интеренирано на нискостеблеста шума од околу еден хкетар каде се упатиле едно воизло и 4 пожарниккари. Вечерва интервенција имаше и кај мокринските извори

Пожар денеска имаше и во атарот на населеното место Едрениково каде гореше млади борови садници и сува трева на околу 2 хектари а интервенирале две возила со 7 пожарникари

фото ФБ Пожарникари Струмица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.