Тезгаџиите од Глобал побараа пожарот да не се користи за политички препукувања – утре отвораат сметка за донации !

413

Сопствениците на тезги во ГТЦ Глобал во Струмица во кој избувна пожар и предизвика огромни штети на својата ФБ страна побараа пожарот да е се користи за политички прекупувања туку дека е потребна солидарност и сплотеност во овие тешки моменти. Заблагодараувајки се на сите физички и правни лица кои се понудиле да помогнат, апелираа на хуманост бидејки многумина од нив поради пожарот останале без основен приход на живеење.

,,Сакаме и да укажеме дека политичките препукувања не се потребни во овој момент. Не треба да се долева бензин на огнот кој беснееше и кој беше изгнаснат. Ни треба солидарност и сплотеност во овој момент, за да може сите заедно да го изградиме повторно нашето работно место. Ги замолуваме политичките партии да не го користат пожарот во Глобал да добиваат поени кај своите симпатизери и активисти зошто со тоа не ни помагаат на нас, жртвите на настанот. Доколку сакаат да покажат со прст кон кривецот за настанот, замолуваме да се почекаат резултатите од истрагата која е започната и институциите да го кажат тоа,, објавија вчера на својата ФБ страна Тезги ГТЦ Глобал Струмица

Најавија дека утре понеделник 11 ти јануари ќе биде отворена сметката за донации за санација на ТЦ Глобал, а ќе започнат и активностите со чистење на објектот.

,,Согласно ова, ги замолуваме сите оние кои вистински сакаат да ни помогнат, да го направат тоа на некој од овие два начини. Само вака, ќе покажете дека стоите до нас, рамо до рамо во оваа несреќа. ТЦ Глобал бил и ќе биде пазар каде се нуди производот на маката и трудот на земјоделците. Нема да дозволиме да биде политички пазар, посебно во моменти кога ни е загрозено парчето леб и е потребна негова санација и повторно пуштање во употреба,, стои во објавата на ФБ

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.