Твои податоци, Твои правила и ти одлучуваш за нив, GDPR општата регулатива за заштита на податоците ти нуди можност

160

На 27 април 2016 година Европскиот парламент и Советот на ЕУ ја донесоа Општата регулатива за заштита на лични податоци ((ЕУ) 2016/679 – Genral Data Protection Regulation), за заштита на физичките лица во однос на обработката на личните податоци и движењето на таквите податоци, со примена од 25 мај 2018 година. GDPR им овозможува на граѓаните на Европската унија (ЕК) подобро да ја контролираат употребата на нивните лични податоци.

Регулативата, освен што им обезбедува поголема заштита на личните податоци на граѓаните, им дава и поголеми права, па тие ќе може да си го побараат своето право на пристап, исправка, пренос и бришење на податоците од страна на компаниите кои се јавуваат како контролори на нивните лични податоци. Од друга страна, контролорите треба да следат неколку принципи во процесот на обработка на личните податоци, вклучувајќи и преземање на активности за да се осигураат дека податоците кои ги обработуваат се точни. За да можат контролорите да докажат усогласеност со GDPR, треба да бидат транспарентни со субјектите на лични податоци и да им објаснат како, каде и со која цел ги обработуваат.

,,Можеш да побараш од компаниите да ги избришат твоите податоци или да престанат да ги користат на начини што не ти се допаѓаат. Твои податоци, Твои правила! имаш и право да ги измениш за да одговараат на твојата удобност. Ако сакаш да знаеш какви податоци има една компанија за тебе, само прашај ги! GDPR ти ја дава таа моќ“, посочува во видеото тик токерот Александар Динев

Изработката на ова видео во кое се објаснува з а GDPR е рамките на проектот ,,Нешта кои можеби не ги знаеме за нашето виртуелно однесување“  што го имплементира Мултус од Гевгелија со поддршка на Европската Унија  со цел да се зголеми свеста и чекорите кај младата популација кога се на социјалните мрежи.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.