Ташко Дојчинов поднел оставка од функцијата Претседател на Советот на Гевгелија, професионално бил ангажиран во Државна комисија

1479

Претседателот на Советот на Општина Гевгелија – Ташко Дојчинов до градоначалникот Сашо Поцков,поднесе оставка на функцијата претседател и член на општинскиот Совет објави МИА. Оставката е резултат на судирот на интереси што ги констатирала  Комисијата за спречување на корупција која неодамна му изрече јавна опомена согласно член 79, став 2 од Законот за спречување корупција и судир на интереси.

Имено покрај функцијата претседател на Советот на Општина Гевгелија Ташко Дојчинов ја извршува и функцијата член на Државната комисија за одлучување во управна постапка и постапка од работен однос. Имено согласно законот за оваа Државна Комисија односно член 3, претседателот и членовите на комисијата функцијата ја извршуваат професионално, што значи дека не смее да имаат друг работен однос освен како членови на Комисијата, а во никој случај да имаат политичка функција како претседател на совет на општина бидејќи се работи за акумулација на функции.

Веста дека е доставена оставка за МИА ја потврдиле од општината каде очекуваат на наредната седница Советот да ја констатира оставката и да избере нов член на советот од листата на СДСМ и коалицијата. После тоа ќе се избере и нов Претседател на советот на Општина Гевгелија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.