Судиски бандитизам – денешното сценарио во Голема Речица е за Оскар, реагираат од ФК Детонит Плачковица од Радовиш

1125

Денешното судиско сценарио ќе беше номинирано за Оскар. Вака реагираат од ФК Детонит Плачковица од Радовиш по денешниот натпревар во Голема Речица каде претрпеа пораз од Арсими со 2:1.  Според нив денеска надвладеа судиски бандитизам кој само ја понижи Втората лига.  Гневот на Радовишани доаѓа бидејки сметаат дека во проелтните мечеви се драстично оштетени токму поради судиски одлуки.

„Судиски бандитизам надвладеа денес над фудбалското небо во Македонија. Ова што денес се случи во Голема Речица е невиден срам за ФФМ, Судиската комисија и самите судии водени од Дејан Младеноски.Ова ја понижи самата Втора лига и рејтингот на сите екипи во неа.Претрпената штета е огромна: погрешни жолти картони, монтиран пенал, погрешни офсајди, аути, слободни удари и за крај поништен гол и директен црвен картон. Да не беше доцна, денешното судиско сценарио ќе беше номинирано за Оскар. Срамота невидена! Срамота за фудбалот и за иднината на младите фудбалски таленти и генерации кои со мака ги гради оваа земја. Со вакво судење нема фудбал драга ФФМ“ стои во реакцијата на Детонит Плачковица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.