Струмичка фирма го доби тендерот и ќе го гради патот до гевгелиско Хума за да заживее туристички

3193

Струмичката компанија Портланд ја доби јавната набавка за изградба на дел од патот до село Хума во општина Гевгелија што ја распиша Центарот за развој на Југоисточниот плански регион а беше дел од проектот за зголемување на туристичката понуда во Југоистокот . Ова компанија на јавната аукција понудила  најниска цена за изградба на патот а во трка за добивање на тендерот биле уште 10 други фирми и тоа од Гевгелија, Струмица, Гостивар, Тетово и Штип.

Иако за реализацијата на овој проект беа предвидени 8 милиони денари или 130 илјади евра сепак на јавната аукција цената е намалена за цели 20 илјади евра. Струмички Портланд понудиле цена од 6,7 милиони денари или 109 илјади евра додека останатите се откажале од понатамошниот тек од јавното аукција.

Целиот проект треба да се реализира во рок од 5 месеци од денот кога струмичката фирма ќе биде воведена во работа на терен.

Инаку според склучениот договор ќе се врши доизградба на на локалниот пат до населеното место Хума во должина од 782,14 метри со кој ќе се овозможи ревитализација на селото, изградба, доградување и доопремување на нови куќи во селото што ќе придонесе кон развој на планинскиот пограничен регион во општината, а ќе се отворат и можности за развој на планинскиот и ловниот туризам.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.