Струмички Астраион убедлив против Ринија, сите играчи постигнаа голови за роденденот на Перовановиќ кој одбрани 4 пенали

612

Струмички Астраион забележаа нова победа во Групата 1 од Првата ракометна лига и понатаму го држи лидерското место во групата иако има натпревар помалку. Вечерва во салата Парк беа убедливи против скопска Ринија со 40:23, натпревар во кој речиси сите ,,астраионци’’ заиграа и се запишаа во листата на стрелци. Ова е 9 та победа за струмичани и се сметаат за најсериозни фаворити за висок пласман и во Плеј офф групата која треба да ги даде патниците за Супер лигата

Победата му ја посветија на младиот голман Мартин Перовановиќ кој славеше роденден со 9 одбрани а успеа да фати и 4 седмерци на гостите. Голманот Димовски имаше 4 а Гоџиров 5 одбрани.

Најефикасен кај Астраион беше Александар Велков кој постигна 7 гола, 5 реализираше Дарко Кантраџиев а по 4 постигнаа Митко Караиванов, Васко наков и Јован Спасов. По 3 гола постигнаа Филип Кавазов, Иванче Ончев и Ѓорги Касапов, по 2 Миливој Котевски, Јордан Рингов и Борче Кочев а во листата на стрелци се запиша и Христијан Иванов.

До крајот на првата фаза од прволигашкото првенство остануваат уште пет натпревари, три до крајот на годинава, по што најдобрите 4 екипи од двете групи ќе играат за првите позиции кои носат билет за Супер лига. Најдобриот директно а второпласираниот преку бараж.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.