Струмичките пожарникари спасувале повредени од комбе што излетало од патот Дабиље – Петралинци

202

Струмичките пожарникари интервенирале во сообраќајката што се случила на патот меѓу Дабиље и Петралинци и со специјални хидраулични алатки помагале да се извадат повредените патници од патници заглавени во комбе марка фиат. Како што објави ТППЕ Струмица на својата официјална ФБ страна, тие со едно возило и 5 пожарникари спасители интервенирале во сообраќајката во која учествувало едно товарно моторно возило марка Фиат.

,,Сабота 21.08.2021 година, во 22.15 часот на патот помегу селата Дабиле и Петралинци, ТППЕ Струмица со 1ПП возило и 5 пожарникари- спасители интервенираше на сообраќајна несреќа во која учествуваше едно товарно моторно возило марка фиат. Користени се специјални хидраулични алатки за да се извадат повредените лица од возилото, кои потоа се предадени на екипи на брза помош,, стои во објавата на струмичките пожарникари

МВР потврди за сообраќајката при што соопшти дека три лица се повредени

,,На регионален пат Струмица – Берово, на делницата с.Дабиле – с.Петралинци, Ј.М.(30) од с.Двориште, беровско, управувајќи товарно возило „фиат дукато,“ со беровски регистарски ознаки, изгубил контрола и излетал од патот. Во незгодата со телесни повреди се здобиле возачот Ј.М. и сопатникот М.М.(47) од с.Двориште, констатирани во Медицински центар Струмица, додека сопатникот С.Б.(43) од с.Двориште бил пренесен во Клиничка болница Штип за укажување на лекарска помош. Увид на местото извршила екипа од СВР Струмица,, соопшти МВР

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.