Струмичките актери од „Култура или фис-култура?“ повторно со протест, побараа одговори по нивните преставки

127

Струмичките актери од иницијативата „Култура или фис-култура?“на кружниот тек Струмица одржаа протестен перформанс против решението на Министерството за култура за назначување на Васил Бубев за директор на НУЦК „Антон Панов“-Струмица. Тие денеска изразија незадоволство и од молкот на институциите по нивните преставки и забелешки во однос на постапката за изборот на директор на ова културна институција.

,,Потсетуваме дека Министерството за култура назначи генерален директор на културна институција кој не ги поседува потребните компетенции за извршување на една таква одговорна функција. Од тие причини, бевме приморани нашата борба да ја водиме по правен пат. Имено, на 26.2.2021г. поднесовме претставка до Државната комисија за спречување на корупција, за која до ден денес немаме разрешница. Затоа, упатуваме прашање до претседателката на ДКСК г-ѓа Билјана Ивановска: Во која фаза се наоѓа нашата претставка и кога ќе има финален став? Истото прашање го упатуваме и до претседателот на Управниот суд, судијата Бурим Сејдини, како и до Основното јавно обвинителство во Струмица, по повод нашата пријава во која се сомневаме дека сегашниот директор ја злоупотребил својата службена должност и овластување,, кажа Бранко Бенинов од иницијативата „Култура или фис-култура?“

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.