Струмичка фирма го доби тендерот од 1,5 милион евра за изградба на прва фаза од социјалната населба над Струмица

6472

По распишната јавна набавика Општина Струмица и фирмата Жикол го потпишаа Договорот за изградба на социјалната населба во Струмица во вредност од 1 милиони 506 илјади евра (92.670.024 денари) . Станува збор за реализација на првата фаза од проектот ,,Изградба на стамбена населба со објекти со намена домување за сместување на социјално загрозени семејства во Струмица. За овој проект во игра беа 7 фирми но при јавната аукција, најниска цена понуди токму струмичката фирма која има за цел во рок од 12 месеци од денот на воведување во работа, да ги реализира сите предвидени активности во соглaсно техничката спецификација.

Според проекциите, социјaлната населба треба да се дига на околу 3,3 хектари површина над градот Струмица. Според техничката спецификација од распишната јавна набавка, во овој период градежната фирма од Струмица треба да изведе сообраќајна инфраструктура, потпорна конструкција, улично осветлување , фекална и атмосферска канализација. Во ова фаза не е предвидено изградба на водоводна инфраструктура.

Во април годинава општина Струмица почна со чистење на просторот Чамлк над новите турски гробишта. Станува збро за површина од околу 3,3 хектари на која треба да се подигаат стотина типски куќи во кои ќе се сместат домакинствата кои живеат кај транзитниот пат односно Климент Охридски и социјално загрозени семејства.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.