Струмичанката Сара Јанева со награда за исклучителни вокални способности на фестивалот ,, Во срцето на Виена’’ Австрија

1451

Младата Сара Јанева студент на музичката академија во Скопје во класата на професорката Славица Петровска Галиќ неодамна беше наградена на четвртиот интернационален фестивал во соло пеење и камерна музика ,, Во срцето на Виена’’ во Австрија. Таа доби награда за исклучителни вокални перформанси во мецо сопран откако пред интернационалното жири имаше десет минутен настап со оперски арии од повеќе композитори

Таа пееше дела од Георг Фридрих Хендл, Едвард Григ, Вофганг Амадеус Моцарт и од Петар Илич Чајковски и беше дел во категоријата за учесници од 15 до 19 години на овој фестивал на кој учествуваа учесници од 35 држави.

Сара Јанева потекнува од населеното место Сушица општина Ново Село. По завршувањето на основното образование таа своето школување го продолжи во музиката. Во моментов таа е студент по соло пеење на музичката академија во Скопје втора година а во меѓувреме има покани за настапи и на други фестивали и концерти

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.