Струмичанец заработи кривична оти злоупотребил фотографии на девојки кои ги прикачил на порно сајт

327

СВР до Основното Јавно обвинителство во Струмица поднесе кривична пријава против 26-годишен струмичанец кој злоупотребил фотографии на четири девојки и ги прикачил на порно-сајт соопшти МВР. Станува збор за 26 годишен струмичанец Г.С. кој без согласност на четири струмичанки им ги украл фотографиите од нивните ФБ профили и ги прикачил на сајт за возрасни

„Г.С. се сомничи дека во февруари 2020, без согласност од четири оштетени женски лица на возраст од 24, 25, 26 и 38 години, сите од Струмица, прибавил нивни лични податоци, односно фотографии, коишто оштетените лица ги имале претходно објавено преку нивните профили на социјалната мрежа Фејсбук и ги искористил за да ги објави во албуми креирани од негов кориснички профил на сајтот за возрасни xHamster“, соопштија од МВР.

Четирите оштетени лица за делото дознале во втората половина на јануари 2021, кога и го пријавиле во Полициска станица Струмица.

„При претреси на две локации во Струмица, на кои живее и престојува осомничениот, биле пронајдени и одземени мобилни телефони, сопственост на осомничениот Г.С., кој е приведен во полициска станица, а обезбеден бил и друг доказен материјал од интерес на постапката“, наведуваат од МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.