Струмичанецот Ѓоргиев, маратон ќе трча и во Цирих за пациeнтите со Пулмонална Хипертензија во земјава

901
Струмичанецот Николче Ѓоргиев кој живее и работи во Швајцарија, ќе трча маратон во Цирих со дрес на кој е нацртано е логото и пораката  на пациентите со пулмонална хипертензија. Станува збор за традиционален  маратон од 42 километри на кој секоја година учествуваат по  околу десет илјади спортисти, рекреативци и граѓани. Ѓоргиев деновиве контуинирано тренирал  за неговиот прв маратон  по улиците на Цирик , кој како што кажа го трча за Ѓурѓица Ќаева и сите пациенти кај кого е дијагностицирана болеста Пулмонална хипертензија
,,Секогаш последните стотина метри, ми снемува здив и болката во секое мускулно влакно станува неподнослива а секој атом од моето тело ме тера да престанам, да се откажам. Но тогаш погледнувам во мојот дрес на кој пишува “остани без здив” пред очи ми излегува сликата од сите тие кои секој божји ден се борат за малку воздух и тогаш добивам некоја натприродна сила. И повторувам во себе: “Дека не смеам да се жалам ниту да се откажам,, ни изјави Никола Ѓоргиев кој утре ќе трча по улиците во Цирих за да уште еднаш се слушне гласот на овие пациенти
Тој во декември минатата година допатува во Струмица за да ја трча делницата до Гевгелија во должина од 50-тина километри за да ги поттикне македонските надлежни институции да им помогнат на пациентите со Пулмонална хипертензија. На негова иницијатива се реализираше маратонско хуманитарно трчање на кое се приклучија 30-тина маратонци и велосипедисти од земјава кои од Струмица преку Валандово и Богданци до Гевгелија трчаа за да се анимира ова ретка белодробна болест која пациентите ги остава без здив а во сопствената држава сè уште немаат терапија на позитивната листа.
,,Ќе трчам за Ѓургица Ќаева и за сите пациенти што ја делат истата судбина и ветувам дека натпреварувајќи се под нивното лого ќе се борам да бидат видливи, за нивното право за живот, за навремена и бесплатна терапија. Тоа ќе биде мојата сила за утрешниот маратон но и за сите во оваа 2019 година,, кажа Ѓоргиев

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.