Струмичанецот Спасе Стојанов освен во Кати стана Државен првак и во Фукуго – докторантот по фармација успеси реди и во Словенија

1420

Членот на КК Шихан од Струмица Спасе Стојанов кој докторира по фарамацевтски науки во Словенија стана шампион и во дисциплината Фукуго на онлајн државното првенство што го организира  Македонската традиционална карате федерација. Ова е втор успех за Стојанов откако на почетокот на месецов беше најдобар во дисциплината кати во сениорска конкуренција.

,,На почетокот бев изненаден и не знаев што точно да очекувам од овие првенства, но гледајќи ја одличната организација од страна на федерацијата уште еднаш се потврди дека каратето во Македонија е на навистина високо ниво. Дефинитивно како и за сите така и за мене беше предизвик, бидејќи требаше да се најде соодветен простор, осветлување, камера, а притоа да се биде концентриран на самиот настап. Верувам дека беше тешко и не вообичаено за сите, но на крај се организира одлично првентсво, со околу 100 натпреварувачи,, вели Стојанов за Дрнка МК кој е член на струмичкиот клуб Шихан но заради докторските студии во Словенија мораше да бара клуб за да ги продолжи тренинзите и љубовта кон каратето.

,,По доаѓањето во Словенија веднаш започнав со барање на клуб за да продолжам со тренинзите. Бев во неколку клуба, но на крај останав во карате клубот ГРАДЕ. Благодарејќи на тренерот на карате федерацијата д-р Дејан Недев, кој исконтактира со тукашната федерација успеав да го најдам клубот кој е предводен од карате мајсторот Граде Миленкович 6-ти дан. Клубот брои над 100 члена и има освоено повеќе медали на национални и интернационални првентства. Моментално поради корона кризата тренинзите се одвиваат на отворено на стадион,, ни изјави Стојанов кој од 2018 е во врвот на македонското карате а успеси почна да реди и во Словенија каде лани во неоември освои третото место во Кати и прво во борби

(презентација на кати во Словенија од  Спасе Стојанов на отворено)

,,За крај би сакал да се заблагодарам уште еднаш на македонската традиционална карате федерација за успешната организација, до селекторот д-р Венцислав Недев и тренерот д-р Дејан Недев. Како и до карате клуб Шихан и тренерите Атанас Василев и Петар Стевков за довербата и поддршката што ми ја даваат” потенцираше Стојанов

Инаку на последното онлајн државно првенство во Кухон и Фукуго организирано од Федерацијата, од КК Шихан освен Стојанов со медали се закитија и Александра Стојановска во кадетска конкуренција а кај дечињата во дисциплината Кихон Ели Василева, Милош Китановиќ, Максим Илиев  беа втори  а Филип Пасков и Костадина Ѓеоргиев освоија бронза

фото архива

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.