Струмичанецот Кирил Панов од Шпанија се пресели во САД во Академија која има исфрлено над 10-тина НБА играчи

3167

По пет години во Шпанија младиот кошаркарски талент од Струмица Кирил Панов кариерата ја продолжува во САД. Тој од октомври настапува за  ,,Kennedy Elite Basketball Academy ’’ во Синсинати, клуб кој има произведено повеќе од 10 тина НБА кошаркари. Како што е познато, Панов на 14 годишна возраст од струмички ,, Ролинг’’ замина за Тералфас во Шпанија од каде пак се пресели во Естудиантес. Панов ни изјави дека добро е прифатен од новата средина и веќе одиграл неколку натпревари за ,,Kennedy Elite Basketball Academy ’’ каде бил одлично прифатен

,, За ова сезона се наоѓам во САД. Станува збор за Академија која што има произведено од своите погони повеќе од 10 НБА играчи. Се адаптирав многу брзо. Тренерите и играчите одлично ме прифатија и се чувстувам добро на американското тло. Овде кошарката е многу побрза, подинамична. За релативно кратко време имам и натпревари и засега сум задоволен од учинокот. Имам просек од 14,4 поени, 4 асистенции и 5 скока по натпревар’’ изјави за Дрнка.МК, Кирил Панов кој во сениорскиот состав шпански Естудиантес од Мурциа беше еден од најмладите играчи но еден од најдобрите играчи.

Тој тврди дека желбата за совладување нови кошаркарски предивици била причината за преселувањето во САД која се смета за кошаркарска велесила и каде најмногу се инвиестрира во овој спорт.

,, Искрен да бидам ми недостасува Шпанија, посебно климата и температурите. Овде е постудено но кошарката ми е предизвик. Овде нивото на игра е многу повисоко за разлика од Шпанија. Ќе дадам максимум од своја страна и во ова нова средина да се докажам и да ја презентирам мојата држава и Струмица како град каде има кошаркарски таленти ,, ни кажа Панов

Како што е познато Кирил Панов на 14 годишна возраст замина од Струмица во кошаркарска Шпанија. Паралелно тој е еден и од носителите на играта на македонската младинска кошаркарска репрезентација

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.