Струмица со нови 11 позитивни на ковид-19, во моментов четврти град во земјава со најголем број активни случаи со коронавирус

340

Во изминатото деноноќие во Струмица се регистрирани нови 11 позитивни нa вирусот ковид-19, со што бројката на активни случаи на територијата што ја покрива Центарот за јавно здравје од Струмица се зголеми на 167 активни случаи. Со ова бројка Струмица стана 4 ти град во Македонија во моментов со најголем број на активни случаи веднаш зад Скопје со 834, Куманово 182, Кочани 172 активни случаи.

Инаку во земјава од 1 694 теста за последните 24 часа регистрирани се 225 новозаболени што е рекорден број од почетокот на пандемијата. Во Југоистокот освен во Струмица нови случаи има и во Валандово 3 и по 1 во Радовиш и Гевгелија. Во изминатите 24 часа починале 6 пациенти а според податоците на Институтот за јавно здравје евидентирани се 96 пациенти

Вкупно ковид дијагностицирани во земјава од почетокот на епидемијата се 18.363, оздравеа 15.164, починаа 749, а активни се 2.450. Според завршените епидемиолошки анализи во моментов дистрибуцијата по градови од Југоистокот е следна:

• Гевгелија 130, активни 42 (8 лица од ПЕ Гевгелија се жители на Дојран, 17 на Богданци и 12 се странски државјани)

• Струмица 272, активни 167

• Радовиш 90, активни 26

• Валандово 39, активни 26

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.